Kanca kanca kanca! Na dunya teh asa beuki harengheng ku dedengean, pajeujeut ku deudeuleuan. Aheng! Nu diluhur silih dedetkeun, nu ditengah silih tampiling, nu dihandap silih paehan, memang teu kabeh, ngan aya sabagean. Ambuing! Nya naon atuh nya nu jadi udagan maranehna? Malah poe poe katukang kasaksian ku urang sarerea, eusi berita teh mun teu kasus asusila nyaeta pembunuhan masal, silih ala pati, silih ala nyawa. Duh Bener! Makhluk sampurna teh manusa mah. Bener ku benerna leuwih ti sato, jahat ku jahatna oge leuwih ti sato. Domba mah maling sampeu saukur daun na hungkul, ari manusa? Ti daun nepika beutina dipahpral, kalan kalan pageurna oge dikakat. Kitu oge dina benerna. Keueung kanca!
Paingan ceuk katerangan: "Demi wanci,
Satemenna jalma aya dina karugian,
Iwal anu iman, Iwal anu sholeh
Nu silih wasiatan Dina bebeneran" - (Al 'Ashr 1 -3)
